اسلام آباد: (رائیٹ ناوٴ نیوز) عالمی بینک کے صدر اجے بنگا نے پاکستان کا دورہ کیا جس کے دوران انہوں نے وزیراعظم سمیت اعلیٰ حکام سے ملاقاتیں کیں۔ ان کے دورے کا مقصد پاکستان کے ساتھ دس سالہ پارٹنرشپ فریم ورک پر عمل درآمد میں پیشرفت کرنا ہے۔

اجے بنگا کے دورے کے دوران معاشی اصلاحات اور بھارت کے ساتھ آبی تنازعے پر بات چیت بھی متوقع ہے۔ ان کے ساتھ وفد نے گوردوارہ سری پنجہ صاحب میں حاضری دی اور وزیر اقلیتی امور کے ساتھ ملاقات کی۔

عالمی بینک کا یہ فریم ورک 2035 تک پاکستان کو بیس ارب ڈالر فراہم کرنے کا عزم رکھتا ہے جس کے تحت ترقیاتی منصوبوں اور معاشی اصلاحات کو فروغ دیا جائے گا۔