کولمبو: (رائیٹ ناوٴ نیوز) بھارت کے سابق کپتان کپل دیو نے ٹی ٹوئنٹی ورلڈ کپ کے دوران پاکستان اور بھارت کے درمیان 15 فروری کو شیڈول میچ کے بارے میں اپنے خیالات ظاہر کیے ہیں۔ انہوں نے کہا کہ سیاسی کشیدگی کے باوجود دونوں ٹیموں کے کھیلنے کے بارے میں فیصلے حکام پر چھوڑ دینا چاہیے۔

کپل دیو نے واضح کیا کہ ان جیسے افراد کے لیے ایسے معاملات پر بیان بازی مناسب نہیں ہوتی۔ ان کا کہنا تھا کہ حکام جو بھی فیصلہ کریں گے وہ اس کی حمایت کریں گے کیونکہ وہ فضول بیان بازی کو اہمیت نہیں دیتے۔

واضح رہے کہ پاکستان کی جانب سے آئندہ ماہ شروع ہونے والے ٹی ٹوئنٹی ورلڈ کپ میں شرکت کے بارے میں فیصلہ ابھی باقی ہے اور ٹیم کی کٹ رونمائی بھی ملتوی کر دی گئی ہے۔