اسلام آباد: (رائیٹ ناوٴ نیوز) وفاقی وزیر اطلاعات عطا تارڑ نے کہا ہے کہ پی ٹی آئی کو اپنے بیانیے پر قوم سے معافی مانگنی چاہیے۔ انہوں نے خیبر پختونخوا میں امن و امان کی بگڑتی صورتحال پر تشویش کا اظہار کرتے ہوئے کہا کہ وہاں کی حکومت بات چیت پر تیار نہیں جبکہ وفاقی حکومت مسائل کو مذاکرات کے ذریعے حل کرنے کی کوشش کر رہی ہے۔

عطا تارڑ نے مزید کہا کہ وفاقی حکومت نے اقدامات کے لیے فیصلہ کر لیا ہے اور آئین و قانون کے تحت گورنر راج نافذ کیا جائے گا۔ انہوں نے یقین دہانی کرائی کہ قانون اور آئین کے دائرے میں رہتے ہوئے صوبے میں امن کے قیام کے لیے ہر ممکن قدم اٹھایا جائے گا تاکہ عوام کی جان و مال کا تحفظ یقینی بنایا جا سکے۔