بیجنگ: (رائیٹ ناوٴ نیوز) چینی سائنس دانوں نے ایک نیا پاؤڈر تیار کیا ہے جو برقی ٹوتھ برش کی جھنجھناہٹ سے فعال ہو کر دانتوں کو سفید کرتا ہے۔ اس پیش رفت کے بعد سائنس دان امید رکھتے ہیں کہ یہ نیا طریقہ کار دانتوں کو محفوظ اور مؤثر طریقے سے گھر پر ہی سفید کرنے میں مددگار ثابت ہوگا۔

دانتوں پر داغ جینیاتی عوامل، مشروبات جیسے کافی، اور بعض غذاؤں کے استعمال سے پیدا ہوتے ہیں۔ عمومی وائٹنرز، مثلاً پیروکسائیڈ بلیچنگ جیل، دانتوں کو نقصان پہنچا سکتے ہیں۔

نیا پاؤڈر دانتوں کو سفید کرنے کے ساتھ ان کی حفاظت بھی کرتا ہے، جو کہ روایتی کیمیکل وائٹنرز سے مختلف ہے۔