چینی ثقافت میں اُبلا ہوا ناشپاتی نزلہ زکام کے ابتدائی علامات میں مؤثر مانا جاتا ہے، جو پھیپھڑوں کو سکون اور جسم کو بیماری سے بچانے میں مدد دیتا ہے۔
بیجنگ: (رائیٹ ناوٴ نیوز) چینی ثقافت میں نزلہ زکام کے ابتدائی مراحل میں اُبلا ہوا ناشپاتی کھانے کی روایت صدیوں پرانی ہے۔ یہ طریقہ نزلہ کی علامات جیسے سر درد اور ناک بند ہونے پر استعمال کیا جاتا ہے۔
چینی طب کے مطابق، اُبلا ہوا ناشپاتی پھیپھڑوں کو سکون دیتا ہے اور جسم کو بیماری سے بچانے میں مددگار ہوتا ہے۔ ناشپاتی میں موجود فلیوونائیڈز، ٹرائٹرپینوئیڈز اور فینولک ایسڈز سوزش کم کرنے اور نظامِ تنفس کی بہتری میں معاون ثابت ہوتے ہیں۔
ناشپاتی کا ذائقہ میٹھا اور ہلکا ترش ہوتا ہے، تاہم اس کا زیادہ استعمال جسمانی کمزوری کا باعث بن سکتا ہے۔ چینی طب میں ناشپاتی کے مختلف پکوان بھی مقبول ہیں، جیسے چائنیز اسٹیمنڈ ناشپاتی ود راک شوگر، اسنو پیر سوپ، اور ناشپاتی چکن سوپ جو نزلہ زکام کے دوران مفید سمجھے جاتے ہیں۔
