اسلام آباد: (رائیٹ ناوٴ نیوز)الیکشن کمیشن آف پاکستان نے قومی اسمبلی میں جے یو آئی کی خواتین کی مخصوص نشست سے متعلق محفوظ فیصلہ سناتے ہوئے حنا بی بی کی درخواست مسترد کر دی ہے۔

الیکشن کمیشن نے صدف احسان کو بطور رکن قومی اسمبلی برقرار رکھنے کا حکم دیا ہے اور ان کی رکنیت کو ڈی نوٹیفائی نہیں کیا جائے گا۔

حنا بی بی نے درخواست دائر کی تھی کہ صدف احسان کا نام جے یو آئی کی ترجیحی فہرست میں شامل نہیں تھا، اس لیے انہیں منتخب نہیں کیا جا سکتا۔

الیکشن کمیشن کے فیصلے کے بعد حنا بی بی کے پاس الیکشن ٹربیونل سے رجوع کرنے کا حق موجود ہے۔