نیویارک: (رائیٹ ناوٴ نیوز) سیکرٹری جنرل اقوام متحدہ انتونیو گوتریس نے خلیج میں عسکری سرگرمیوں میں اضافے پر تشویش ظاہر کی ہے۔ انہوں نے فریقین کو زیادہ احتیاط برتنے کی تاکید کی اور کہا کہ ایسی کارروائیوں سے بچنا چاہیے جو حالات کو بگاڑ سکتی ہیں۔

گوتریس نے مزید کہا کہ ایران کے مسئلے کو مذاکرات اور سفارتکاری کے ذریعے حل کیا جا سکتا ہے۔ انہوں نے علاقائی کشیدگی کو کم کرنے کی ہر کوشش کو سراہا اور فریقین پر زور دیا کہ وہ کشیدگی کم کرنے کے لیے عملی اقدامات کریں۔