کراچی: (رائیٹ ناوٴ نیوز) سندھ حکومت کے ترجمان نے ایم کیو ایم وزرا کی سیکیورٹی واپس لینے کے دعوے کو مسترد کر دیا ہے۔ ترجمان کا کہنا ہے کہ ایم کیو ایم کے کسی وزیر یا رہنما سے سیکیورٹی واپس نہیں لی گئی اور مجاز افراد کو مکمل سیکیورٹی فراہم کی جا رہی ہے، جو کہ قانون اور سیکیورٹی پروٹوکول کے تحت ہے۔

ترجمان نے بیان میں مزید کہا کہ ایم کیو ایم کے سیکیورٹی کے حوالے سے الزامات سیاسی پروپیگنڈا ہیں۔ دوسری جانب، ایم کیو ایم کے رہنما مصطفیٰ کمال نے کہا کہ سندھ حکومت کا سیکیورٹی واپس لینا ہمیں ڈرانے کی کوشش ہے، مگر ہم ظلم کے خلاف آواز بلند کرنے سے نہیں رکیں گے۔

وفاقی وزیر صحت مصطفیٰ کمال نے مزید کہا کہ سندھ حکومت سندھو دیش کا نعرہ لگانے والوں کو سیکیورٹی دیتی ہے، مگر ہمیں سوال کرنے پر دھمکایا جاتا ہے۔ وفاق کو صوبے کو اپنے کنٹرول میں لینا چاہیے۔