واشنگٹن: (رائیٹ ناوٴ نیوز) امریکا نے ایران کے ساتھ مذاکرات کے لیے اپنی شرائط پیش کر دیں، جو زیادہ تر اسرائیل کے تحفظ کے لیے ہیں۔ امریکا کا پہلا مطالبہ ہے کہ ایران تمام افزودہ یورینیم کو مکمل طور پر ہٹا دے۔

امریکا کی دوسری شرط یہ ہے کہ ایران پر طویل فاصلے تک مار کرنے والے میزائلوں پر پابندی ہوگی اور ملکی سطح پر یورینیم کی افزودگی کی اجازت نہیں ہوگی۔

تیسری شرط یہ ہے کہ ایران کسی بھی علاقائی طاقت کی امداد نہیں کرے گا۔ امریکی میڈیا نے دعویٰ کیا ہے کہ ٹرمپ انتظامیہ ایران کا نیول بلاکیڈ کرنے کی کوشش کر رہی ہے تاکہ ایران تیل برآمد نہ کر سکے۔

امریکی بحری بیڑہ مشرق وسطیٰ پہنچ چکا ہے، جس سے خطے میں ہلچل پیدا ہو گئی ہے۔ دوسری جانب، امریکا ایران کے ساتھ بات چیت کے لیے تیار ہے، بشرطیکہ ایران ان شرائط کو تسلیم کرے۔