ٹوکیو: (رائیٹ ناوٴ نیوز) جاپان نے بگڑتے تعلقات کی وجہ سے ملک کے آخری دو پانڈا چین واپس بھیج دیے ہیں۔ اتوار کو ٹوکیو کے چڑیا گھر میں ہزاروں افراد نے ان جڑواں پانڈوں شاؤ شاؤ اور لے لے کو الوداع کہا، جو منگل کو چین روانہ ہوں گے۔

یہ پہلا موقع ہے جب 1972 کے بعد جاپان میں کوئی پانڈا موجود نہیں ہوگا، جب دونوں ملکوں کے سفارتی تعلقات معمول پر آئے تھے۔ جاپان اور چین کے تعلقات حالیہ دنوں میں تائیوان کے معاملے پر مزید کشیدہ ہو گئے ہیں۔

چین خیرسگالی کے طور پر پانڈا دیگر ممالک کو بھیجتا رہا ہے، مگر ان کی ملکیت برقرار رکھتا ہے۔ میزبان ممالک ہر پانڈا جوڑے کے لیے چین کو سالانہ تقریباً 10 لاکھ ڈالر ادا کرتے ہیں۔