یو اے ای نے اعلان کیا کہ ایران پر حملے کے لیے اس کی حدود استعمال نہیں ہوں گی، امریکی-ایرانی کشیدگی بڑھ رہی ہے۔
ابوظہبی: (رائیٹ ناوٴ نیوز) متحدہ عرب امارات نے واضح کیا ہے کہ ایران کے خلاف کسی بھی ممکنہ فوجی کارروائی کے لیے اس کی حدود استعمال نہیں کرنے دی جائیں گی۔ وزارتِ خارجہ کی جانب سے جاری بیان میں کہا گیا ہے کہ یو اے ای اپنی فضائی، زمینی یا سمندری حدود ایران پر حملے کے لیے استعمال نہیں ہونے دے گا۔
الإمارات تؤكد التزامها بعدم السماح باستخدام أجوائها أو أراضيها أو مياهها في أي أعمال عسكرية ضد إيرانhttps://t.co/FFl4K2dsrk pic.twitter.com/TOrNPLgeNq
— MoFA وزارة الخارجية (@mofauae) January 26, 2026
بیان میں زور دیا گیا کہ یو اے ای کی سرزمین یا وسائل ایران کے خلاف فوجی کارروائی میں استعمال نہیں ہوں گے۔ مزید کہا گیا کہ بین الاقوامی قوانین اور ریاستی خودمختاری کا احترام موجودہ بحران سے نمٹنے کا بہترین راستہ ہے۔
یہ بیان ایسے وقت میں آیا ہے جب امریکا اور ایران کے درمیان کشیدگی بڑھ رہی ہے اور دونوں جانب سے سخت بیانات جاری ہیں۔ صدر ٹرمپ نے ایران کے قریب امریکی فوجی تعیناتی کا اعلان کیا، جبکہ ایرانی کمانڈر نے ممکنہ مہم جوئی پر وارننگ دی ہے۔
