متحدہ عرب امارات کے راس الخیمہ سے 4 ہزار ٹن امدادی سامان کے ساتھ بحری جہاز غزہ کے لیے روانہ ہوا۔ خوراک، خیمے اور ادویات مصر کے راستے غزہ پہنچائی جائیں گی۔
دبئی: (رائیٹ ناوٴ نیوز) متحدہ عرب امارات کی ریاست راس الخیمہ سے ایک امدادی بحری جہاز 4 ہزار ٹن سامان لے کر غزہ کے لیے روانہ ہوا۔
اماراتی نیوز ایجنسی کے مطابق، یہ جہاز خوراک، خیمے اور ادویات پر مشتمل امدادی سامان لے کر جا رہا ہے۔ راس الخیمہ کے حکمران شیخ سعود بن صقر کی ہدایت پر یہ جہاز روانہ کیا گیا۔
یہ صقر ہیومینیٹیرین شپ مصر کی العریش بندرگاہ پہنچے گا، جہاں سے سامان کو غزہ پہنچایا جائے گا۔ حکام کے مطابق، یہ امداد مصر کے راستے غزہ تک پہنچائی جائے گی۔
