واشنگٹن: (رائیٹ ناوٴ نیوز) بین الاقوامی جریدے ‘دی ڈپلومیٹ’ نے پاکستان کی سفارتی کامیابیوں کی تعریف کی ہے، جس میں امریکا کے ساتھ تجارتی اور سیکیورٹی معاہدے شامل ہیں۔

دی ڈپلومیٹ کے مطابق، بھارت نے امریکی ثالثی کو مسترد کیا، جس کے نتیجے میں بھارت کو امریکی ٹیرف اور صدارتی دورے سے محرومی کا سامنا کرنا پڑا۔ پاکستان نے اس موقع کو اپنی سفارتی مہارت سے فائدہ اٹھانے میں استعمال کیا۔

ستمبر 2025 میں وزیراعظم شہباز شریف اور آرمی چیف عاصم منیر نے وائٹ ہاؤس کا دورہ کیا، جہاں صدر ٹرمپ کے ساتھ ملاقات میں سیکیورٹی سے آگے بڑھ کر تجارت اور سرمایہ کاری پر بات چیت کی گئی۔

امریکا نے پاکستان کے ساتھ انسداد دہشت گردی تعاون کو بحال کیا اور جولائی 2025 میں دونوں ممالک کے درمیان ٹیرف میں کمی کا تجارتی معاہدہ طے پایا۔

دی ڈپلومیٹ کے مطابق، امریکا نے بلوچ لبریشن آرمی کو دہشت گرد تنظیموں کی فہرست میں شامل کیا اور بھارت پر 50 فیصد ٹیرف عائد کیا۔ ماہرین کے مطابق، پاکستان نے اپنی اسٹریٹجک اہمیت کو نئی بلندیوں پر پہنچایا ہے۔