برسلز: (رائیٹ ناوٴ نیوز) یورپی یونین نے کہا ہے کہ اگر امریکی صدر ڈونلڈ ٹرمپ کے امن بورڈ کو غزہ تک محدود کر دیا جائے تو وہ اس منصوبے پر کام کرنے کے لیے تیار ہیں۔ یہ بات یورپی یونین کی خارجہ پالیسی کی سربراہ کاجا کالاس نے کہی۔

کاجا کالاس نے یورپی یونین کے سربراہی اجلاس سے قبل کہا کہ ہم مشرق وسطیٰ میں امن کے لیے کام کرنا چاہتے ہیں اور ہم چاہتے ہیں کہ یہ امن بورڈ اقوام متحدہ کی سلامتی کونسل کی قرارداد تک محدود رہے۔

انہوں نے مزید کہا کہ اگر اس منصوبے کو غزہ تک محدود کر دیا جائے، جیسا کہ ابتدائی طور پر طے پایا تھا، تو ہم اس پر کام کر سکتے ہیں۔