ماسکو: (رائیٹ ناوٴ نیوز) روس کے صدر ولادیمیر پیوٹن نے گرین لینڈ کے معاملے پر کہا ہے کہ یہ مسئلہ امریکا اور ڈنمارک کے درمیان ہے اور روس کو اس سے کوئی اعتراض نہیں۔ انہوں نے کہا کہ روس کو گرین لینڈ کی ملکیت کے معاملے پر کوئی تشویش نہیں ہے اور یہ معاملہ امریکا اور ڈنمارک کے درمیان طے ہونا چاہیے۔

صدر پیوٹن نے کہا کہ ڈنمارک نے ہمیشہ گرین لینڈ کے ساتھ نوآبادیاتی سلوک کیا ہے اور روس کو ٹرمپ کی گرین لینڈ پر کنٹرول کی کوششوں پر کوئی اعتراض نہیں۔ انہوں نے گرین لینڈ کی ممکنہ قیمت تقریباً ایک ارب ڈالر بتائی ہے۔

یہ بیان اس وقت سامنے آیا جب امریکا اور یورپ کے درمیان صدر ٹرمپ کے بیانات پر اختلافات جاری ہیں۔ امریکی صدر نے پہلے کہا تھا کہ اگر گرین لینڈ کو امریکا کے حوالے نہ کیا گیا تو روس اور چین اس پر قبضہ کرلیں گے۔