کراچی: (رائیٹ ناوٴ نیوز) سونے کی قیمتوں میں زبردست اضافہ دیکھا گیا ہے جو تاریخ میں پہلی بار 5 لاکھ روپے سے تجاوز کر گیا۔ عالمی بلین مارکیٹ میں فی اونس سونے کی قیمت 127 ڈالر کے اضافے کے ساتھ 4 ہزار 840 ڈالر تک پہنچ گئی۔

مقامی صرافہ بازاروں میں 24 قیراط کے فی تولہ سونے کی قیمت میں 12 ہزار 700 روپے کا اضافہ ہوا، جو 5 لاکھ 6 ہزار 362 روپے کی نئی بلند سطح پر پہنچ گئی۔ فی 10 گرام سونے کی قیمت 10 ہزار 888 روپے بڑھ کر 4 لاکھ 34 ہزار 123 روپے ہو گئی ہے۔

ملک میں فی تولہ چاندی کی قیمت بھی 64 روپے کے اضافے کے ساتھ 9 ہزار 933 روپے کی نئی بلند سطح پر پہنچ گئی ہے۔