تہران: (رائیٹ ناوٴ نیوز) ایران کی عدلیہ نے واضح کیا ہے کہ حکومت مخالف احتجاج میں شریک کسی بھی شخص کو سزائے موت نہیں دی گئی۔ عدلیہ کے ترجمان نے کہا کہ قانونی کارروائی طویل ہوتی ہے اور بعض مظاہرین کرائے کے کارندے ہیں جن کے روابط اسرائیلی اور امریکی خفیہ اداروں سے ہیں۔

ترجمان نے مزید کہا کہ عدلیہ مظاہرین اور اشتعال انگیز عناصر میں فرق کرنے کی کوشش کر رہی ہے اور سخت سزائیں صرف مستند شواہد کی بنیاد پر ہی دی جائیں گی۔

ایرانی پراسیکیوٹر جنرل علی صالحی نے امریکی صدر کے ان دعوؤں کو مسترد کر دیا کہ ایران نے مظاہرین کی سزاؤں پر عمل درآمد روک دیا ہے۔ ان کا کہنا تھا کہ مظاہروں کا جواب سخت اور فوری ہوگا۔

ایرانی سپریم لیڈر علی خامنہ ای نے بھی اپنے خطاب میں واضح کیا کہ فسادیوں کو سزا سے نہیں بچنے دیا جائے گا۔