سیول: (رائیٹ ناوٴ نیوز) سام سنگ نے بظاہر غلطی سے اپنی 2026 کی فلیگ شپ اسمارٹ فون سیریز گلیکسی ایس 26 کے تین ماڈلز کی تصدیق کر دی ہے اور قیمتوں میں ممکنہ اضافے پر بھی غور کیا جا رہا ہے۔

کولمبیا میں ایک پروموشنل پی ڈی ایف میں گلیکسی ایس 26، ایس 26 پلس، اور ایس 26 الٹرا کے نام ظاہر ہوئے، جو فروری 2026 میں لانچ ہونے والی سیریز کی پہلی سرکاری تصدیق سمجھی جا رہی ہے۔

گزشتہ افواہوں کے برعکس، سام سنگ نے گلیکسی ایس 26 پرو کی جگہ روایتی پلس برانڈنگ کو برقرار رکھنے کا فیصلہ کیا ہے۔ گلیکسی ایس 26 پلس میں 6.66 انچ کا ڈسپلے متوقع ہے، جو پچھلے ماڈل سے معمولی چھوٹا ہوگا۔

افواہوں کے مطابق، گلیکسی ایس 26 سیریز 25 فروری 2026 کو گلیکسی ان پیکڈ ایونٹ میں پیش کی جائے گی اور عالمی سطح پر 11 مارچ 2026 سے فروخت کے لیے دستیاب ہوگی۔

سام سنگ الیکٹرانکس کے شریک سی ای او نے میموری کی قلت اور پرزہ جات کی بڑھتی لاگت کو قیمتوں میں اضافے کی وجہ قرار دیا ہے، جس سے گلیکسی ایس 26 کی قیمتوں میں ردوبدل متوقع ہے۔