اسلام آباد: (رائیٹ ناوٴ نیوز)

راولپنڈی، اسلام آباد اور شمال مغربی کشمیر میں پیر کی صبح 11 بج کر 21 منٹ پر 5.8 شدت کا زلزلہ آیا، جس سے شہری گھروں سے باہر نکل آئے۔

پاکستان میٹرولوجیکل ڈیپارٹمنٹ کے مطابق زلزلے کی شدت 5.8 تھی اور اس کی گہرائی 10 کلومیٹر تھی۔ زلزلے کا مرکز شمال مغربی کشمیر کے پہاڑی علاقے میں واقع تھا۔

زلزلے کے جھٹکے گلگت بلتستان، پشاور اور خیبر پختونخوا کے مختلف علاقوں میں بھی محسوس کیے گئے۔ شہری احتیاطاً عمارتوں سے باہر نکل کر کھلے مقامات پر جمع ہو گئے۔

پی ایم ڈی کے مطابق ابتدائی اطلاعات میں کسی جانی یا بڑے مالی نقصان کی اطلاع نہیں ملی۔ متعلقہ ادارے صورتحال پر نظر رکھے ہوئے ہیں۔

شمالی پاکستان اور کشمیر کا علاقہ فالٹ لائنز پر واقع ہونے کے باعث اکثر زلزلوں کا شکار رہتا ہے اور شہریوں کو احتیاطی تدابیر اختیار کرنے کی ہدایت کی جاتی ہے۔