کراچی: (رائیٹ ناوٴ نیوز) ہونڈا نے بینک الفلاح کے تعاون سے موٹر سائیکل خریدنے کے لیے بغیر سود آسان اقساط کی نئی اسکیم متعارف کرائی ہے۔ صارفین ہونڈا کے مقبول ماڈلز CD 70، CG 125 اور CG 150 کو بینک الفلاح کے کریڈٹ کارڈ کے ذریعے ماہانہ اقساط پر حاصل کر سکتے ہیں۔

اس اسکیم کے تحت کسی قسم کا سود وصول نہیں کیا جائے گا، تاہم پروسیسنگ فیس اور فیڈرل ایکسائز ڈیوٹی صارفین کو ادا کرنا ہوگی۔ یہ اسکیم محدود مدت کے لیے ہے اور موٹر سائیکلوں کی فراہمی دستیاب اسٹاک پر منحصر ہوگی۔

ہونڈا CD 70 کی قیمت 159,900 روپے ہے اور اسے تقریباً 26,650 روپے ماہانہ اقساط میں خریدا جا سکتا ہے۔ CG 125 اور CG 150 بھی بغیر سود اقساط کی سہولت کے ساتھ دستیاب ہیں۔

مزید معلومات کے لیے صارفین بینک الفلاح کی ہیلپ لائن یا سرکاری رابطہ ذرائع سے رجوع کر سکتے ہیں۔