نیلم وادی: (رائیٹ ناوٴ نیوز) نیلم وادی کے علاقوں کیل، سیری اور شیخ بیلہ کے درمیان مین شاہراہ لینڈ سلائیڈنگ کے باعث بند ہو گئی ہے۔ اس کے نتیجے میں ٹریفک کی آمد و رفت معطل ہو گئی ہے اور مسافروں کو شدید مشکلات کا سامنا کرنا پڑ رہا ہے۔

محکمہ شاہرات نے بتایا ہے کہ سڑک پر موجود بڑے پتھر اور ملبہ ہٹانے کا کام جاری ہے، تاہم پہاڑی علاقے کی نوعیت کی وجہ سے بحالی میں چیلنجز کا سامنا ہے۔

محکمہ نے عوام سے اپیل کی ہے کہ وہ بند سڑک والے علاقے میں احتیاط برتیں اور ٹریفک بحالی تک غیر ضروری سفر سے گریز کریں۔