فلاڈیلفیا: (رائیٹ ناوٴ نیوز) امریکی نیوز اینکر جم ڈونوون نے رنگ برنگے موزوں کا عالمی ریکارڈ قائم کر لیا ہے۔ ان کے پاس ایک ہزار 531 منفرد جوڑیوں پر مشتمل موزوں کا ذخیرہ ہے، جسے دنیا کی سب سے بڑی موزوں کی کلیکشن تسلیم کیا گیا ہے۔

جم ڈونوون نے بتایا کہ دوران ملازمت ناظرین ان کے رنگین موزوں کو نوٹس کرتے تھے، جس کے بعد مداحوں نے انہیں مختلف ڈیزائنز کے موزے تحفے میں بھیجے۔ برسوں میں موزوں کا یہ شوق ایک بڑی کلیکشن میں بدل گیا۔

انہوں نے کہا کہ ریٹائرمنٹ کے موقع پر انہوں نے اس شوق کو عالمی ریکارڈ کی شکل دی اور یہ ان کی دیرینہ خواہش تھی۔ بچپن میں عالمی ریکارڈز کی کتاب انہیں متاثر کرتی تھی، جو ان کے دل میں خود کوئی ریکارڈ بنانے کا خواب پیدا کرتی تھی۔