ڈنمارک اور فرانس نے امریکی حملے کے خدشے پر گرین لینڈ میں مشترکہ فضائی مشقیں شروع کی ہیں، جن میں ایف 35 اور ایم آر ٹی ٹی طیارے شامل ہیں۔
گرین لینڈ: (رائیٹ ناوٴ نیوز) ڈنمارک اور فرانس نے امریکی حملے کے خدشے کے باعث گرین لینڈ میں مشترکہ فضائی مشقیں شروع کر دی ہیں۔
ڈنمارک کے ایف 35 لڑاکا طیارے گرین لینڈ کی فضاؤں میں پرواز کر رہے ہیں جبکہ فرانس کے ایم آر ٹی ٹی ٹینکر طیارے نے جنوب مشرقی گرین لینڈ میں ایندھن بھرنے کی صلاحیتوں کا مظاہرہ کیا۔
ڈنمارک کی مسلح افواج نے بتایا کہ یہ مشقیں آرکٹک خطے میں یورپی اتحادیوں کے ساتھ بڑھتی ہوئی فوجی سرگرمیوں کا حصہ ہیں اور ان کا مقصد طویل فاصلے کی پرواز اور سخت قطبی حالات میں محفوظ آپریشنز کو یقینی بنانا ہے۔
یورپی ممالک نے ڈنمارک کی درخواست پر محدود تعداد میں فوجی بھی گرین لینڈ بھیجے ہیں تاکہ فضائی مشقوں اور دیگر فوجی سرگرمیوں میں تعاون فراہم کیا جا سکے۔
یہ مشقیں آرکٹک خطے میں بین الاقوامی کشیدگی اور امریکی ممکنہ حملے کے خدشات کے پیش نظر اہم سمجھی جا رہی ہیں۔ طیاروں نے سخت قطبی حالات میں ایندھن بھرنے اور طویل فاصلے کی پرواز کے تجربات بھی کیے۔
