حرارے: (رائیٹ ناوٴ نیوز) انگلینڈ انڈر 19 ٹیم نے ورلڈ کپ کے میچ میں پاکستان کو 37 رنز سے شکست دی۔ میچ کے دوران پاکستانی بیٹر علی رضا ایک غیر معمولی غلطی کے باعث خود ہی رن آؤٹ ہو گئے۔ یہ واقعہ 47ویں اوور کی تیسری گیند پر پیش آیا جب علی رضا نے فیلڈر کی تھرو سے بچنے کے لئے کریز چھوڑ دی اور انگلینڈ کے کپتان نے انہیں رن آؤٹ کر دیا۔

انگلینڈ نے پہلے بیٹنگ کرتے ہوئے 210 رنز بنائے اور پاکستانی ٹیم کو دباؤ میں رکھا۔ پاکستان کی ٹیم 85 رنز پر چھ وکٹیں گنوا بیٹھی تھی۔ کپتان فرحان یوسف نے 65 رنز بنائے لیکن ٹیم ہدف حاصل نہ کر سکی۔

انگلینڈ کی اننگز میں کیلب فالکنر نے 66 رنز کی شاندار اننگز کھیلی۔ پاکستان کے لیگ اسپنر احمد حسین نے تین وکٹیں حاصل کر کے انگلینڈ کو مزید بڑے اسکور سے روکا۔ پاکستان کا اگلا میچ 19 جنوری کو اسکاٹ لینڈ کے خلاف ہوگا۔