امریکی خلائی کمپنی نے چاند پر ہوٹل بنانے کا اعلان کیا ہے، جس کی تکمیل 2032 تک متوقع ہے۔ ابتدائی طور پر چار مہمانوں کے قیام کا انتظام ہوگا۔
واشنگٹن: (رائیٹ ناوٴ نیوز) امریکی خلائی کمپنی نے چاند پر پہلا ہوٹل بنانے کا اعلان کیا، جس کی تکمیل 2032 تک متوقع ہے۔ یہ ہوٹل زمین پر تیار کر کے خلائی مشن کے ذریعے چاند پر منتقل کیا جائے گا۔ ابتدائی طور پر چار مہمانوں کے قیام کا انتظام ہوگا جنہیں چاند پر منفرد تجربات فراہم کیے جائیں گے۔
کمپنی نے بتایا ہے کہ ہوٹل کی تعمیر 2029 میں شروع کی جا سکتی ہے، بشرطیکہ تمام سرکاری اجازتیں مل جائیں۔ فی مہمان ایک ملین ڈالر پیشگی ادائیگی ہوگی۔ خلائی سیاحت عام ہونے پر قیمتوں میں کمی کا امکان ہے، جیسا کہ ہوائی سفر کے ابتدائی دور میں ہوا تھا۔
ماہرین کے مطابق یہ منصوبہ خلائی سیاحت کے میدان میں نیا سنگِ میل ثابت ہوگا اور مستقبل میں خلا میں قیام کے امکانات کو بڑھائے گا۔
