سڈنی: (رائیٹ ناوٴ نیوز) پاکستان کے آل راؤنڈر شاداب خان نے بگ بیش لیگ میں اپنی ٹیم سڈنی تھنڈر کے لیے باقی میچز نہ کھیلنے کا باضابطہ اعلان کیا ہے۔ شاداب نے سوشل میڈیا پر کہا کہ وہ قومی ذمہ داریوں کو ترجیح دیتے ہوئے دوبارہ لیگ میں شرکت نہیں کریں گے۔

شاداب خان نے اپنی ٹیم سڈنی تھنڈر کی نمائندگی کرتے ہوئے بگ بیش لیگ کا حصہ تھے، مگر پاکستان ٹیم کے دورۂ سری لنکا کے باعث لیگ چھوڑنے کا فیصلہ کیا۔ ان کا کہنا ہے کہ قومی ٹیم کے لیے دستیاب رہنا ان کی اولین ترجیح ہے۔

شاداب کے اس فیصلے کے بعد سڈنی تھنڈر کو لیگ کے اہم مرحلے میں ایک تجربہ کار آل راؤنڈر کی خدمات سے محروم ہونا پڑے گا۔ شائقین کرکٹ نے سوشل میڈیا پر ان کے فیصلے پر ملا جلا ردعمل دیا، تاہم اکثریت نے قومی ٹیم کو ترجیح دینے کے فیصلے کو سراہا۔

بین الاقوامی کرکٹ اور لیگز کے درمیان توازن قائم رکھنے کی بحث بھی زور پکڑ رہی ہے، کیونکہ حالیہ دنوں میں کئی بین الاقوامی کھلاڑی قومی مصروفیات کے باعث مختلف فرنچائز لیگز کو خیرباد کہہ چکے ہیں۔