ایبٹ آباد: (رائیٹ ناوٴ نیوز) ایوبیہ کے سیاحتی مقام پر گزشتہ پانچ سال سے چیئر لفٹ کی بندش کا معاملہ خیبرپختونخوا اسمبلی تک پہنچ گیا ہے۔

اسمبلی کے اجلاس کے دوران جے یو آئی کی خاتون رکن ایمن جلیل نے توجہ دلاؤ نوٹس جمع کرایا جس میں کہا گیا کہ پانچ سال سے مرمت کے نام پر چیئر لفٹ بند ہے، جس سے سیاحوں کی آمد میں کمی واقع ہوئی ہے۔

انہوں نے مزید کہا کہ چیئر لفٹ کی خرابی سے صوبائی حکومت کو مالی نقصان ہو رہا ہے، اور مطالبہ کیا کہ فوری طور پر اس کو کھولا جائے تاکہ صوبے کو ریونیو حاصل ہو سکے۔