اسلام آباد: (رائیٹ ناوٴ نیوز) پاکستان اٹامک انرجی کمیشن کے زیر انتظام چشمہ اور کراچی نیو کلیئر پاور پلانٹس کو نیپرا کی سالانہ کارکردگی رپورٹ 2024/25 میں بہترین قرار دیا گیا ہے۔

رپورٹ کے مطابق، دونوں پاور پلانٹس نے اپنی کارکردگی میں مسلسل بہتری برقرار رکھی ہے، جس کا کریڈٹ مضبوط انتظامی ڈھانچے اور مؤثر حکمت عملی کو دیا گیا ہے۔ یہ اعلیٰ کارکردگی توانائی کے نظام کے استحکام، عوامی اعتماد اور ملازمین کی حفاظت کے لیے اہم سنگ میل ہے۔

نیپرا رپورٹ کے مطابق، یہ جوہری بجلی گھر محفوظ، ماحول دوست اور جدید توانائی کے نظام کی کامیاب مثال قائم کر رہے ہیں۔ رپورٹ میں بجلی گھروں کی صحت، حفاظت اور ماحولیات سے متعلق کارکردگی کا تفصیلی جائزہ پیش کیا گیا ہے۔