موغادیشو: (رائیٹ ناوٴ نیوز) صومالیہ نے متحدہ عرب امارات کے ساتھ تمام معاہدے منسوخ کرنے کا اعلان کیا ہے۔ صومالی حکومت نے دعویٰ کیا ہے کہ یو اے ای کے کچھ اقدامات ملک کی خودمختاری اور قومی وحدت کو نقصان پہنچا رہے تھے۔

صومالیہ اور یو اے ای کے درمیان بندرگاہوں اور دفاعی تعاون کے معاہدے شامل تھے۔ وزیر دفاع احمد معلم فقی نے سوشل میڈیا پر بیان دیتے ہوئے کہا کہ یہ فیصلہ ٹھوس شواہد کی بنیاد پر کیا گیا ہے جو یو اے ای کی جانب سے صومالیہ کی ریاستی خودمختاری کو متاثر کرنے کی نشاندہی کرتے ہیں۔

کونسل آف منسٹرز کے اجلاس کے بعد صدر حسن شیخ محمود نے پارلیمنٹ کے ہنگامی اجلاس میں خطاب کیا، جس میں قومی سلامتی اور خارجہ پالیسی پر گفتگو ہوئی۔

تاحال متحدہ عرب امارات کی طرف سے اس فیصلے پر کوئی باضابطہ ردعمل نہیں آیا ہے، لیکن مبصرین کا کہنا ہے کہ اس کے اثرات خطے کی سیاست اور بحری تجارت پر پڑ سکتے ہیں۔