تہران: (رائیٹ ناوٴ نیوز) یورپی یونین نے ایران میں مظاہرین کے خلاف حکومت کے کریک ڈاؤن پر اضافی پابندیاں عائد کرنے کا عندیہ دیا ہے۔ ترجمان انور العنونی نے کہا ہے کہ ایران کے پُرتشدد اقدامات کے جواب میں نئی پابندیاں لانے کی تیاری کی جا رہی ہے۔

یورپی یونین نے ایران میں انسانی حقوق کی صورتحال پر گہری نظر رکھی ہوئی ہے اور مظاہرین کے خلاف تشدد کو ناقابل قبول سمجھتی ہے، جس کی وجہ سے مزید پابندیاں ممکن ہیں۔

دوسری جانب تہران اور دیگر شہروں میں حکومت کے حق میں بھی بڑی ریلیاں نکالی گئیں، جن میں ہزاروں افراد نے شرکت کی اور حکومت کے ساتھ یکجہتی کا اظہار کیا۔ مظاہرین نے غیر ملکی حمایت یافتہ فسادات کی مخالفت کی اور سیکیورٹی فورسز کی حمایت کا اعادہ کیا۔

ایرانی حکومت کا کہنا ہے کہ حالیہ فسادات بیرونی مداخلت کا نتیجہ ہیں جبکہ یورپی ممالک انسانی حقوق کی خلاف ورزیوں کا الزام عائد کر رہے ہیں۔