بھارت اور بنگلا دیش کے تعلقات میں انتخابات کے باعث کشیدگی بڑھ گئی ہے، دونوں ممالک میں سفارتی بیانات اور عوامی ردعمل نے کشیدگی کو مزید ہوا دی ہے۔
نئی دہلی: (رائیٹ ناوٴ نیوز) بھارت اور بنگلا دیش کے تعلقات میں کشیدگی بڑھ گئی ہے جبکہ دونوں ممالک میں انتخابات قریب ہیں۔ بنگلا دیش میں انتخابات کی تیاریوں کے دوران دونوں ممالک کے درمیان قریبی تعلقات میں دراڑیں پڑ گئی ہیں۔
بھارت نے بنگلا دیش میں ہندو اقلیت پر مبینہ تشدد پر تشویش ظاہر کی جسے ڈھاکہ نے مداخلت قرار دیا۔ اس کے جواب میں بنگلا دیش نے بھارت میں ویزا خدمات محدود کر دیں جبکہ بھارت نے بھی سخت مؤقف اپنایا۔
کرکٹ کے میدان میں بھی کشیدگی محسوس کی گئی جب بنگلہ دیشی کرکٹر کو آئی پی ایل سے نکال دیا گیا، جس پر بنگلا دیش نے بھارت میں کرکٹ مقابلوں میں شرکت پر اعتراض کیا۔
دونوں ممالک کی انتخابی سیاست نے بھی اس کشیدگی کو بڑھاوا دیا ہے، بھارت میں قوم پرست بیانیے نے کشیدگی کو ہوا دی جبکہ بنگلا دیش کی اپوزیشن نے بھارت پر موجودہ حکومت کی پشت پناہی کے الزامات لگائے۔
ماہرین کا کہنا ہے کہ بنگلا دیش کے انتخابات کا جنوبی ایشیا میں بھارت کے سفارتی اثر و رسوخ پر گہرا اثر ہو سکتا ہے۔
