دبئی: (رائیٹ ناوٴ نیوز) برج الخلیفہ 2010 سے دنیا کی بلند ترین عمارت ہے، لیکن اب سعودی عرب کا جدہ ٹاور، جس کی بلندی ایک کلومیٹر سے زائد ہوگی، تیزی سے تعمیراتی مراحل طے کر رہا ہے۔ اب تک 80 منزلیں مکمل ہوچکی ہیں۔

جدہ ٹاور کی تعمیر 2013 میں شروع ہوئی تھی لیکن مختلف مسائل کی وجہ سے رکی رہی۔ 2025 میں دوبارہ کام شروع ہونے کے بعد یہ دنیا کی بلند ترین عمارت بننے جا رہی ہے۔

یہ عمارت 130 منزلوں پر مشتمل ہوگی اور اس میں ہوٹل، اپارٹمنٹس، دفاتر اور دنیا کا بلند ترین آبزرویشن ڈیک موجود ہوگا۔ 2028 میں اس کی تکمیل متوقع ہے۔

عمارت میں 59 لفٹیں اور 12 ایسکلیٹرز ہوں گی، جبکہ بیرونی دیواروں کا سسٹم توانائی کی بچت کرے گا۔

یہ منصوبہ 2008 میں پیش ہوا اور 2013 میں تعمیر شروع ہوئی، لیکن مالی مسائل اور کووڈ-19 کی وبا کے باعث تاخیر کا شکار رہا۔