نیویارک: (رائیٹ ناوٴ نیوز) امریکی گلوکارہ جینیفر گروٹ، جو اپنی کلاسیکی عربی موسیقی کی مہارت کی وجہ سے مشہور ہیں، نے قرآنی تلاوت کے ذریعے دنیا کو حیران کر دیا ہے۔ جینیفر نے 2013 میں اسلام قبول کیا اور تب سے قرآن کی تلاوت کا اہتمام کر کے ناظرین کی توجہ حاصل کر رہی ہیں۔

جینیفر گروٹ نے 2013 کے عرب گوٹ ٹیلنٹ کے سیزن میں فائنلسٹ ہونے کے بعد عربی زبان سے محبت کی وجہ سے مراکش منتقل ہو کر نہ صرف زبان سیکھی بلکہ وہاں کی ثقافت کو بھی اپنایا۔

اسلام قبول کرنے کے بعد، انہوں نے قرآن کی تلاوت کو سوشل میڈیا پر شیئر کیا، جس نے عالمی سطح پر بے پناہ پذیرائی حاصل کی۔ یہ تلاوتیں نہ صرف مسلمانوں بلکہ غیر مسلم ناظرین کے لیے بھی روحانیت کا نادر تجربہ ثابت ہو رہی ہیں۔