لندن: (رائیٹ ناوٴ نیوز) پرائم منسٹر یوتھ پروگرام کے چیئرمین رانا مشہود احمد خان نے کہا کہ پاکستان آئندہ برس جون میں آئی ایم ایف سے باہر ہوگا۔

رانا مشہود احمد خان نے لندن میں ایک تقریب کے دوران کہا کہ 2018 میں مسلط کردہ حالات کی وجہ سے پاکستان کئی سال پیچھے چلا گیا۔ انہوں نے مزید کہا کہ مہنگائی اور غربت مسلط کرنے والے وزیراعظم کو قانونی طریقے سے ہٹایا گیا۔

ان کا کہنا تھا کہ عمران خان کے ذریعے پاکستان کے خلاف سازش ہوئی، نواز شریف نے 250 سے زائد پیشیاں بھگتیں اور ان کے خلاف بنائے گئے تمام کیسز جھوٹے ثابت ہوئے۔

رانا مشہود نے سوال اٹھایا کہ اگر کیسز جھوٹے ہیں تو پی ٹی آئی کے چیئرمین عدالتوں کا سامنا کرنے سے کیوں ڈرتے ہیں؟ انہوں نے کہا کہ گھڑی کیس اوپن اینڈ شٹ کیس ہے۔ مزید کہا کہ بانی پی ٹی آئی کے دور میں پاکستان کو عالمی سطح پر نظرانداز کیا گیا۔

وزارت خزانہ کے مطابق پی پی پارٹنرشپ منصوبوں میں 368 ارب روپے کے ہنگامی نوعیت کے ترقیاتی منصوبوں کی لاگت میں اضافے کی مد میں 150 ارب سے زائد واجبات شامل ہیں۔ مرکزی بینک کے مطابق بیرون ملک مقیم پاکستانیوں نے دسمبر میں 3.58 ارب ڈالر وطن بھیجے۔