نیویارک: (رائیٹ ناوٴ نیوز) ایرانی سفیر برائے اقوامِ متحدہ امیر سعید ایروانی نے الزام عائد کیا ہے کہ امریکا اسرائیل کے ساتھ مل کر ایران میں اشتعال اور تشدد کی حوصلہ افزائی کر رہا ہے۔ انہوں نے اقوامِ متحدہ سلامتی کونسل کو ایک خط میں امریکی اقدامات کو اقوامِ متحدہ چارٹر اور عالمی قوانین کی صریح خلاف ورزی قرار دیا۔

ایرانی سفیر نے مزید کہا کہ امریکی اقدامات غیر قانونی اور غیر ذمہ دارانہ ہیں، جو عالمی امن اور بین الاقوامی قوانین کے لیے خطرہ ہیں۔

دوسری طرف، امریکی صدر نے ایران کو خبردار کیا کہ اگر کوئی خلاف ورزی ہوئی تو اسے بھاری قیمت چکانا ہوگی۔ انہوں نے کہا کہ انہیں کسی بین الاقوامی قانون کی پرواہ نہیں ہے اور نہ ہی وہ عالمی قوانین پر عمل کرنے کے پابند ہیں۔