اسلام آباد: (رائیٹ ناوٴ نیوز)

وزیراعظم کے مشیر برائے سیاسی امور رانا ثناءاللہ نے کہا ہے کہ خیبرپختونخوا کے وزیراعلیٰ سہیل آفریدی پاکستان تحریک انصاف کی اسٹریٹ موومنٹ کے لیے غیرقانونی سرگرمیوں میں ملوث ہیں۔ انہوں نے کہا کہ پی ٹی آئی ملک گیر اسٹریٹ موومنٹ نہیں کر سکتی اور 8 فروری کی وہیل جام ہڑتال غیر آئینی ہے۔

رانا ثناءاللہ نے مزید کہا کہ سندھ حکومت ایسی کسی ہڑتال کی اجازت نہیں دے گی۔ دوسری جانب خیبرپختونخوا کے مشیر اطلاعات شفیع اللہ جان نے کہا کہ ہڑتال کی کال محمود خان اچکزئی نے دی ہے اور پی ٹی آئی اس کی حمایت کرے گی۔

وزیراعلیٰ سہیل آفریدی کراچی کے دورے پر ہیں جہاں وہ مختلف ملاقاتوں میں اسٹریٹ موومنٹ کو متحرک کرنے کی کوشش کر رہے ہیں۔