لاس ویگاس: (رائیٹ ناوٴ نیوز) کنزیومر الیکٹرونکس شو میں لاوا ٹیک برانڈز نے ایک انوکھی ڈیوائس ‘لولی پاپ اسٹار’ پیش کی ہے جو بون کنڈکشن کے ذریعے موسیقی سناتی ہے۔ یہ ڈیوائس دانتوں کے ذریعے موسیقی کو اندرونی کان تک پہنچاتی ہے اور ساتھ ہی میٹھے کا لطف بھی دیتی ہے۔

9 ڈالرز کی قیمت میں دستیاب یہ لولی پاپ ایک بار استعمال کے لیے ہے اور اس میں موسیقی اسٹک میں چھپے الیکٹرونکس کے ذریعے فراہم کی جاتی ہے۔ مختلف ذائقوں کے ساتھ مختلف دھنیں شامل ہیں، جیسے آڑو کے ذائقے میں آئی اسپائس کی موسیقی جبکہ بلیو بیری فلیور میں Akon کا گانا شامل ہے۔

کمپنی نے عالمی گلوکاروں سے شراکت داری کی ہے تاکہ صارفین کو منفرد موسیقی کا تجربہ فراہم کیا جا سکے۔ اسے آنے والے ہفتوں میں مارکیٹ میں فروخت کے لیے پیش کیا جائے گا۔