کیلیفورنیا: (رائیٹ ناوٴ نیوز) میٹا نے 2026 کے آغاز پر واٹس ایپ میں گروپ چیٹس کے لیے تین نئے فیچرز متعارف کرانے کا اعلان کیا ہے۔ ان میں ممبر ٹیگز، ٹیکسٹ اسٹیکرز، اور ایونٹ ریمائنڈرز شامل ہیں۔

ممبر ٹیگز فیچر صارفین کو ہر چیٹ گروپ میں نک نیم رکھنے کی سہولت دیتا ہے، جس سے وہ اپنی شخصیت کا اظہار اور گروپ میں اپنے کردار کی وضاحت کرسکتے ہیں۔ ہر گروپ میں مختلف ٹیگز استعمال کیے جا سکتے ہیں۔

ٹیکسٹ اسٹیکرز فیچر کی مدد سے صارفین کسی بھی لفظ کو اسٹیکر میں تبدیل کر سکتے ہیں۔ اس کے لیے مطلوبہ لفظ اسٹیکر سرچ میں ٹائپ کرنا ہوگا، اور ان اسٹیکرز کو اسٹیکر پیکس میں شامل کرنے کا بھی امکان ہے۔

ایونٹ ریمائنڈر فیچر کے ذریعے صارفین واٹس ایپ گروپس میں ایونٹس کے لیے مخصوص یاد دہانیاں سیٹ کرسکتے ہیں، جو کسی بھی مقررہ وقت پر استعمال کی جا سکتی ہیں۔

کمپنی نے کہا ہے کہ ان فیچرز کا تعارف جلد ہی عالمی سطح پر تمام صارفین کے لیے ہوگا۔