اسلام آباد: (رائیٹ ناوٴ نیوز) الپائن کلب آف پاکستان نے بین الصوبائی تعاون ڈویژن کے اشتراک سے اسلام آباد میں راک کلائمبنگ چیمپئن شپ کا آغاز کیا ہے۔ اس ایونٹ میں پاکستان بھر سے بشمول گلگت بلتستان، آزاد کشمیر اور تمام صوبوں کے شاندار شرکاء نے شرکت کی۔ یہ چیمپئن شپ نوجوانوں میں چٹان پر چڑھنے کے شوق کو فروغ دینے کے لیے منعقد کی گئی ہے، جس میں لڑکے اور لڑکیاں اپنی غیر معمولی صلاحیتوں اور حوصلے کا مظاہرہ کر رہے ہیں۔

میجر جنرل ریٹائرڈ عرفان، چیئرمین الپائن کلب نے ایونٹ کے لئے اپنی جوش و خروش کا اظہار کرتے ہوئے کہا کہ ہم اپنی باصلاحیت نوجوان نسل کے لئے مزید مواقع پیدا کریں گے۔ محی الدین وانی، سیکریٹری IPC ڈویژن نے کہا کہ جنرل عرفان اور الپائن کلب آف پاکستان کو مبارکباد پیش کرتے ہیں کہ انہوں نے IPC ڈویژن کے ساتھ مل کر اس ایونٹ کو ممکن بنایا۔ یہ چیمپئن شپ پاکستان میں ایڈونچر اسپورٹس کی صلاحیت کا ثبوت ہے اور نوجوانوں کے اختیار کو فروغ دینے کی سمت میں ایک قدم ہے۔