اسلام آباد: (رائیٹ ناوٴ نیوز) رکن قومی اسمبلی شیر افضل مروت نے بانی پی ٹی آئی عمران خان کے فیصلوں پر شدید تنقید کی ہے۔ انہوں نے نیشنل کانفرنس میں شرکت کے دوران صحافیوں سے گفتگو کرتے ہوئے عمران خان کے اپوزیشن لیڈر کے نامزدگی کے فیصلے کو غیر مناسب قرار دیا۔

شیر افضل مروت نے کہا کہ عمران خان نے ابھی تک کوئی بھی فیصلہ درست نہیں کیا۔ ان کے مطابق، پی ٹی آئی اور ریاست کے درمیان اختلافات کو کم کرنے کی ضرورت ہے اور عمران خان سمیت تمام سیاسی قیدیوں کی رہائی اہم ہے۔

بیرسٹر سیف نے بھی سیاسی مسائل کے حل کے لیے ڈائیلاگ کی ضرورت پر زور دیا اور کہا کہ بعض سیاسی جماعتیں ڈائیلاگ سے دوری کی وجہ سیاسی نقصان کے خدشات میں مبتلا ہیں۔ ان کے مطابق، سیاسی قطبیت کی وجہ سے مشکلات بڑھ رہی ہیں جنہیں کم کرنے کی ضرورت ہے۔