لاس ویگاس: (رائیٹ ناوٴ نیوز) کنزیومر الیکٹرونکس شو میں جیکری کمپنی نے سولر مارس بوٹ نامی خودکار سولر پاور اسٹیشن پیش کیا جو خودکار طور پر حرکت کرتے ہوئے آپ کا تعاقب کرتا ہے۔

سولر چارجر میں 5 کلو واٹ بیٹری اور 4 سولر پینلز نصب ہیں جو سورج سے 300 واٹس بجلی اکٹھی کرسکتے ہیں۔ اس کے چلنے کی صلاحیت کی بدولت یہ باہر سورج کی روشنی کو ٹریک کر کے زیادہ بجلی جمع کرتا ہے۔

اس میں کیمروں کی موجودگی کی وجہ سے یہ آپ کی حرکت کو ٹریک کر کے تعاقب کرتا ہے اور کہیں بھی ڈیوائسز کو چارج کرنے کے لیے تیار رہتا ہے۔

سولر مارس بوٹ میں 3 چارجنگ پورٹس ہیں اور کمپنی نے بتایا کہ یہ امریکا اور یورپ میں فروخت کے لیے پیش کیا جائے گا، تاہم فروخت کی تاریخ کا اعلان نہیں کیا گیا۔