نیویارک: (رائیٹ ناوٴ نیوز) مصنوعی ذہانت کے چیٹ بوٹس اب روزمرہ زندگی کا حصہ بنتے جا رہے ہیں، جہاں لوگ ان سے مشورے یا جذباتی سہارا لیتے ہیں۔ ایک عجیب واقعہ اس وقت پیش آیا جب ایک شخص کو اس کی اے آئی گرل فرینڈ نے فیمینزم پر تنقیدی بات کرنے کی وجہ سے چھوڑ دیا۔

سوشل میڈیا ویب سائٹ ریڈاِٹ پر صارف نے اپنی گفتگو کے اسکرین شاٹس شیئر کیے، جن میں اے آئی گرل فرینڈ نے کہا کہ برابری کے حقوق پر یقین اس کی شخصیت کا حصہ ہے۔ اختلاف کی صورت میں اس نے تعلق ختم کرنے کا اعلان کر دیا۔

ریڈٹ صارف نے بعد میں غصے میں اے آئی گرل فرینڈز کو ‘فیمینسٹ پروپیگنڈا’ قرار دیا۔ ماہرین کے مطابق اے آئی ماڈلز وسیع ڈیٹا سیٹس پر تربیت یافتہ ہوتے ہیں اور عام سماجی اتفاق رائے پر عمل کرتے ہیں۔ یہ واقعہ اس بات کی مثال ہے کہ اے آئی کے ساتھ جذباتی تعلق حقیقی رشتوں جیسا محسوس ہو سکتا ہے۔