لاہور: (رائیٹ ناوٴ نیوز)

وزیر اعلیٰ پنجاب مریم نواز شریف کی ہدایت پر پنجاب سیف سٹیز اتھارٹی نے لاہور میں ایمرجنسی فری موبائل فون چارجنگ سروس کا آغاز کر دیا ہے۔

ترجمان سیف سٹی اتھارٹی کے مطابق شہر کے مختلف مقامات پر ایمرجنسی فری موبائل فون چارجنگ کی سہولت فراہم کی گئی ہے۔ اب تک 30 مقامات پر چارجنگ پورٹس نصب کیے جا چکے ہیں جہاں عوام نے اس سہولت سے استفادہ شروع کر دیا ہے۔

ترجمان کا کہنا ہے کہ مستقبل قریب میں لاہور کے 100 مقامات پر یہ سہولت فراہم کی جائے گی تاکہ شہریوں کو کسی بھی ہنگامی صورت حال میں مدد مل سکے۔