لاہور: (رائیٹ ناوٴ نیوز) ایک سادہ ریاضی کا سوال سوشل میڈیا پر وائرل ہوگیا ہے جو لوگوں کے ذہن کو الجھا رہا ہے۔ سوال میں چار قطاریں ہیں جہاں پہلی قطار میں 11 + 11 = 4، دوسری میں 12 + 12 = 6، تیسری میں 13 + 13 = 8 اور چوتھی میں 14 + 14 کا جواب آپ کو دینا ہے۔

یہ سوال دماغی قوت کو چیلنج کرتا ہے کیونکہ نمبروں کا مجموعہ بظاہر ناقابل فہم ہے۔ سوال کے تخلیق کار کا دعویٰ ہے کہ اگر آپ پانچ سیکنڈز میں جواب دے سکتے ہیں تو آپ جینیئس ہیں۔

جواب کا راز یہ ہے کہ نمبروں کو جمع کرنے کے بجائے ان کے الگ الگ ہندسوں کو جمع کریں۔ جیسے 11 کو ایک ایک پڑھا جائے تو چار بنتا ہے۔ اسی طرح 14 + 14 کو 1 + 4 + 1 + 4 پڑھا جائے تو جواب 10 آتا ہے۔