نیویارک: (رائیٹ ناوٴ نیوز) نیٹ فلکس کی مشہور سیریز ‘اسٹرینجر تھنگز 5’ کی آخری قسط نے سینما گھروں میں شائقین کو متاثر کیا اور بڑی کامیابی حاصل کی۔

سیریز کی آخری قسط کی نمائش نئے سال کی تعطیلات کے دوران ہوئی، جس سے سینما گھروں کو تقریباً 25 سے 28 ملین ڈالر کی آمدنی ہوئی۔

امریکہ بھر کے سینما گھروں میں دو گھنٹے کی اس قسط کی نمائش ہوئی، جہاں شائقین نے سیریز کے مشہور اپ سائیڈ ڈاؤن کو الوداع کہا۔ ٹکٹ کی قیمتوں میں فرق کی وجہ سے درست آمدنی کا تعین مشکل تھا، لیکن نیٹ فلکس نے 1.1 ملین واؤچر کی فروخت کی اطلاع دی۔

اے ایم سی سینما نے 753,000 صارفین کے ذریعے 15 ملین ڈالر کی آمدنی حاصل کی، جو تقریباً ایک تہائی سینما گھروں کی نمائندگی کرتا ہے۔ یہ بڑی کامیابی سینما مالکان کے لیے خوش آئند رہی کیونکہ گزشتہ سال کی کارکردگی مخلوط رہی تھی۔