کراچی: (رائیٹ ناوٴ نیوز) شہر میں گٹروں میں گرنے کے واقعات پر میئر کراچی مرتضیٰ وہاب نے شہریوں سے مسائل کے حل کے لیے رائے مانگی ہے۔ شہریوں کو گٹر کے ڈھکن چوری ہونے کی وجہ سے حادثات کا سامنا ہے۔

مرتضیٰ وہاب نے کہا ہے کہ وہ شہریوں کی طرف سے دی گئی تجاویز پر عمل کرنے کے لیے تیار ہیں۔ مسئلہ منشیات کے عادی افراد کی طرف سے ڈھکن چوری کرنے کا ہے، جو لوہا بیچنے کے لیے یہ کام کرتے ہیں۔

میئر نے بتایا کہ وہ وزیراعلیٰ، وزیر داخلہ اور آئی جی سندھ سے معاملے پر میٹنگ کریں گے۔ عوام سے کہا گیا ہے کہ گٹر کا ڈھکن نہ ہو تو 1334 پر اطلاع دیں۔