اسلام آباد: (رائیٹ ناوٴ نیوز) تحریک انصاف کے ایم این ایز ڈاکٹر امجد اور صاحبزادہ صبغت اللہ نے اڈیالہ پولیس کے خلاف سخت کارروائی کا اعلان کیا ہے۔

گزشتہ روز دونوں ایم این ایز اڈیالہ جیل پہنچے لیکن پولیس نے انہیں جیل کے اندر جانے سے روک دیا۔

ڈاکٹر امجد نے کہا کہ پولیس کے اس رویے کے باعث ہم نے تحریک استحقاق لانے کا فیصلہ کیا ہے، اور اگر منتخب نمائندوں کے ساتھ ایسا سلوک ہوتا ہے تو عام شہریوں کے لیے صورتحال مزید تشویشناک ہو سکتی ہے۔

انہوں نے مزید کہا کہ پولیس کے رویے سے نفرتیں پیدا ہوں گی اور اس سے عوام کے اعتماد پر اثر پڑ سکتا ہے۔

اس موقع پر صاحبزادہ صبغت اللہ نے بھی اظہار افسوس کیا کہ جیل کے گیٹ پر جانے کے باوجود ہمیں ملاقات کی اجازت نہیں دی گئی۔

تحریک انصاف کے ذرائع کے مطابق، ممبران اسمبلی اب قانونی اور پارلیمانی راستہ اختیار کریں گے تاکہ پولیس کے رویے پر جواب طلب کیا جا سکے۔