لٹسک: (رائیٹ ناوٴ نیوز) یوکرین کے شہر لٹسک میں واقع دنیا کی سب سے طویل رہائشی عمارت، جسے 1969 میں تعمیر کیا گیا تھا، اپنی منفرد ساخت کے باعث توجہ کا مرکز بنی ہوئی ہے۔ یہ عمارت سوبورموسٹی ایوینیو اور مولوڈیزی اسٹریٹ کے چوراہے پر واقع ہے، اور 11 برس کے طویل عرصے میں مکمل ہوئی۔

اس عمارت کا ڈیزائن شہد کے چھتے کی طرح ہے اور مرکزی ایکسز 1.75 کلومیٹر طویل ہے، جبکہ دیگر اضافات کو شامل کرنے پر یہ مزید ایک کلومیٹر بڑھ جاتی ہے۔ عمارت کے ایک کونے سے دوسرے کونے تک پہنچنے کے لیے تقریباً ایک گھنٹہ درکار ہوتا ہے۔

یہ عمارت 3000 سے زائد اپارٹمنٹس اور ہزاروں کھڑکیوں پر مشتمل ہے، جبکہ اس میں 10 ہزار کے قریب لوگ رہائش پذیر ہیں۔ یہ دنیا کی سب سے طویل رہائشی عمارت کئی چھوٹے قصبوں سے بھی بڑی ہے۔