نیویارک: (رائیٹ ناوٴ نیوز) نیٹ فلکس نے ‘اسٹرینجر تھنگز’ کے پانچویں اور آخری سیزن کے فائنل ایپی سوڈ کا ٹریلر جاری کیا ہے، جس میں الیون کو ولن ویکنا کے خلاف آخری جنگ کے لیے تیار دکھایا گیا ہے۔

فائنل ایپی سوڈ آج نیٹ فلکس پر اور پہلی بار سنیما گھروں میں بھی ریلیز ہوگا۔ اس کا عنوان ‘دی رائٹ سائیڈ اپ’ ہے، جو سیزن فائیو کی آٹھویں اور آخری قسط ہے۔

سیزن فائیو کو دو حصوں میں جاری کیا گیا تھا، والیم 1 تھینکس گیونگ پر اور والیم 2 کرسمس پر پیش کیا گیا۔ ساتویں قسط کے اختتام پر ویکنا کا منصوبہ اپ سائیڈ ڈاؤن کو متوازی دنیا ‘ایبس’ کے ساتھ ضم کرنے کا انکشاف ہوا۔

میٹ اور راس ڈفر کی تخلیق اس سیریز کا آغاز 2016 میں ہوا اور یہ جلد ہی عالمی سطح پر مقبول ہو گئی۔ پانچویں سیزن کا فائنل ایپی سوڈ دو گھنٹے اور پانچ منٹ پر مشتمل ہوگا اور امریکا و کینیڈا کے 500 سے زائد سنیما گھروں میں دکھایا جائے گا۔