اسلام آباد: (رائیٹ ناوٴ نیوز) سابق ڈی جی آئی ایس آئی فیض حمید کے وکیل نے واضح کیا ہے کہ ان کے موکل عمران خان کے خلاف کسی مقدمے میں سرکاری گواہ نہیں بنیں گے۔

وکیل بیرسٹر میاں علی اشفاق نے خبروں کو بے بنیاد قرار دیتے ہوئے کہا کہ میڈیا میں گردش کرنے والی قیاس آرائیاں غلط ہیں کہ فیض حمید عمران خان کے خلاف گواہی دینے پر غور کر رہے ہیں۔

یہ وضاحت ایسے وقت میں سامنے آئی جب بعض سیاسی حلقوں اور وزراء نے دعویٰ کیا کہ فیض حمید سابق وزیراعظم کے خلاف گواہی دیں گے۔

ان قیاس آرائیوں کو مزید تقویت اس وقت ملی جب فوجی عدالت نے فیض حمید کو 14 سال قید کی سزا سنائی، تاہم آئی ایس پی آر نے عمران خان اور فیض حمید کے درمیان گٹھ جوڑ کی تصدیق نہیں کی۔